എന്തെര് പറ്റിയെന്ന്തിരിയണില്ല. ഈ രണ്ടായിരത്തിപയിമൂന്നു അത്ര പോര ചെല്ലാ.
കലികാലം. അല്ലാതെ എന്തെര് പറയാന്?
കൊറേ സമരങ്ങള് നടത്താന് നിരീച്ച് ഏര്പ്പാടാക്കി തൊടങ്ങിയപ്പ എല്ലാത്തിലും എടങ്ങേറ്. പരിപാടികള് ഉശിരാക്കാന് എന്തെങ്കിലും കന്നംതിരു ചെയ്യാന്നു വച്ചാ അപ്പൊ ടി.വി.ല് കാണിക്കും. കലികാലം തന്നെ.
തൊന്തരവ് തൊടങ്ങിയത് ചന്തിര ശേകരനെ തച്ചതിനു ശേഷമാണ്. ഇനി അവന്റെ ശാപങ്ങളോ പ്രേതങ്ങളോ വല്ലതും ആയിരിക്കോ? ആറ്റുകാല് അമ്മച്ചീ, അടുത്ത പൊങ്കാലക്ക് ആയിരത്തൊന്നു കലത്തീ പൊങ്കാല ഇടീക്കാമേ, ആ മാരണത്തീന്നു രക്ഷിക്കണേ! പാര്ട്ടിക്ക് വേണ്ടീട്ടാണെങ്കിലും നാലാളറിഞ്ഞാല് പാര്ട്ടീന്നു പൊറത്താകും, പഴവങ്ങാടി ഗണപതി, ഇക്കാര്യം ഒന്നും പൊറത്തു അറിയല്ലേ, നൂറ്റൊന്നു തേങ്ങ അടിപ്പിക്കമേ!
ഒന്നാലോചിച്ചാല് പാര്ട്ടീടെ പോക്ക് ഒരുമ്പോക്ക് ആണാ? പണ്ട് "ശെടാ, ഇതൊന്നും ശരിയല്ല" എന്ന് നമക്കും കൂടി തോന്നണ കാര്യങ്ങള്ക്കല്ലേ പാര്ട്ടി സമരങ്ങള് നടത്തിയത്. എന്തൊക്കെ പുത്തന് സമരമുറകള് ആയിരുന്നു പാര്ട്ടിയുടെ. മനുഷ്യ മതില്, മനുഷ്യ ചങ്ങല... ഹോ എന്തെര് പരിപാടികള് ആയിരുന്നു. ആളുകളെ ഒന്നും വിളിച്ചോണ്ട് വരണ്ടായിരുന്നു, എല്ലാരും തന്നത്താനെ വരും. പിന്നെ മുദ്രാവാക്യങ്ങള്. എന്തൊരു ആവേശം. സഖാവ് നമ്പൂരിപ്പാടൊക്കെ സമരങ്ങളെ വിശദീകരിക്കുന്നത് ആര്ക്കും മറുവാക്ക് പറയാന് പറ്റാത്ത രീതിയിലൊക്കെ അല്ലേ? ശത്രുക്കള് പോലും സമ്മതിച്ചു പോകും. അനങ്ങനെയൊക്കെയാണ് നമ്മളെല്ലാം പാര്ട്ടിയില് വന്നത്.
പിന്നീട് എപ്പോഴാണ് എല്ലാം കൊഴഞ്ഞു മറിഞ്ഞത്? സഖാവ് ഇ.കെ.ടെ കാലം വരെ വലിയ കൊഴപ്പം ഇല്ലായിരുന്നു. ഇത് ശരിയാണെന്ന് നാലാള്ക്ക് തോന്നണത് ആയിരുന്നു പാര്ട്ടിയുടെ ശരികളും പരിപാടികളും.ഇടയ്ക്ക് എപ്പഴോ പാര്ട്ടിയുടെ ശരികള് ജനങ്ങള്ക്ക് അത്ര പിടിക്കണില്ല. കാരാട്ട് സെക്രട്ടറി ആയതിനു ശേഷം ഒട്ടും പോര. പിന്നെ, അച്ചടക്കം വേണം എന്നത് കൊണ്ട്, പാര്ട്ടി പറയുന്നതിനെ "റാന്" മൂളാനെ ഇപ്പഴ് പറ്റനുള്ളൂ. എന്തെര് ചെയ്യാന്?
ഏവളോ ഒരുത്തി നാട്ടുകാരെ പറ്റിച്ചു കാശുണ്ടാക്കി. അവള് മുഖ്യനെ കണ്ടെന്നോ ഇല്ലെന്നോ ഒക്കെ പറയണ്. അതിനു നാട്ടുകാര്ക്ക് എന്തെര് വരാന്. അവള് ആളെ പറ്റിച്ചുവെങ്കി അവളുടെ മിടുക്ക്. ബാക്കി നാട്ടുകാര്ക്ക് അത് കാരണം കഞ്ഞി കുടി മുട്ടിയോ? ഇല്ല. പക്ഷേ, പാര്ട്ടി പറയണത് അതാണ് ഏറ്റവും വലിയ പ്രശ്നം എന്നതാണ്. അതിനു എതിരെ ആണ് വിപ്ലവം വേണ്ടത് എന്നാണു. എന്നിട്ടോ, സമരം നടത്തി - അനിശ്ചിതകാല ഉപരോധം - രണ്ടര ദിവസം കൊണ്ട് നാടിനെ നാറ്റിച്ചു ഉപരോധം അവസാനിപ്പിച്ചു. എങ്കിലും പാര്ട്ടി പറഞ്ഞു അത് വിജയിച്ചു എന്ന്. പാര്ട്ടി പറഞ്ഞത്കൊണ്ട് അമ്മച്ചിയാണേ നമ്മള് വിശ്വസിച്ചു. ഒടുക്കം ഇപ്പഴ് നാട് റോട്ടില് സഖാക്കന്മാര്ക്ക് പെമ്പിറന്നോത്തീടെ തെറിവിളിയും കേക്കേണ്ടി വന്നു. എന്നിട്ടും പാര്ട്ടി ആളെ പറ്റിച്ചവരുടെ പുറകേ തന്നെ.
മുമ്പൊക്കെ ആയിരുന്നേല് ദേവയാനിടെ പ്രശ്നം മതിയായിരുന്നു പാര്ട്ടിക്ക് ഒരു ബന്ദിനും ഹര്ത്താലിനും ഒക്കെ. അമ്മച്ചിയാണേ അതൊരു അമേരിക്കേടെ മൂരാച്ചി ബൂര്ഷ്വാ അഹങ്കാരം തന്നെ. എന്തെരോ എന്തോ, പാര്ട്ടി ഇതുവരെ കമാന്ന് ഒരക്ഷരം മിണ്ടിയില്ല. ഛെ, നമ്മള് എന്തെര് മണ്ടന്, ദേവയാനി അല്ലേ ബൂര്ഷ്വാ മൂരാച്ചി, തൊഴിലാളി വര്ഗത്തിനെ പീഡിപ്പിച്ചവള്, അപ്പ പിന്നെ ബന്ദും ഹര്ത്താലും ഒന്നും വേണ്ട.
പെട്രോളിന് വെല കൂടാണ്, ഡീസലിന് വെല കൂടാണ്, അരിക്കും, പയറിന്, മലക്കറിക്ക് എല്ലാത്തിനും കൂടണ്. ഒള്ള സാധനങ്ങളില് എല്ലാം മായം. കൊള്ള, കൊലപാതകം, പിടിച്ചുപറി, പീഡനം എല്ലാം നിരന്തരം കൂടണ്. ജനങ്ങള്ക്ക് ഇതൊക്കെ കൊണ്ട് പൊറുതിമുട്ടി. എങ്കിലും പാര്ട്ടി എന്തിനാണ് സോളാറിന്റെ മാത്രം പിറകെ പോണത്? ചിന്തിച്ചിട്ട് ഒരന്തവും ഇല്ല. ഇനി നമ്മള് സ്റ്റഡി ക്ലാസ്സില് പോകാത്തത് കൊണ്ടാണാ?
പേരില് തന്നെ അരിവാള് ഉള്ള ഡല്ലിയിലെ പയ്യന് കൊള്ളാം എന്ന് ചിലപ്പോഴൊക്കെ തോന്നണുണ്ട്. എന്തെര് ചെയ്യാം പുറത്തു പറയാന് പറ്റില്ലല്ലോ, പാര്ട്ടി വിരുദ്ധന് ആയാലോ? അവര് ഇങ്ങോട്ടും വരണ്പോലും. അറിയാതെ എങ്ങാനും അവരുടെ കൂടെ ആയിപ്പോവോ? വെട്ടുകാട് അമ്മച്ചീ, അങ്ങനെ ഒന്നും ആയിപ്പോവല്ലേ, നൂറു മെഴുതിരി കത്തിപ്പിച്ചേക്കാമെ!
ഇനി എന്തൊക്കെ കാണണോ എന്തോ? ഗുരുവായൂരപ്പാ, അടുത്ത വര്ഷം എങ്കിലും ആപത്ത് ഒന്നും വരുത്തല്ലേ.
