ലോകത്തിലെ ഏറ്റവും വലിയ പാലുല്പാദന രാജ്യമാണ് ഇന്ത്യ. കേരളമാകാട്ടെ, വിവാദവും രാഷ്ട്രീയവും പ്രബുദ്ധതയും ഒഴികെ, മറ്റേതൊരു വസ്തുവും ഉല്പാദനത്തേക്കാള് കൂടുതല് ഉപഭോഗം ചെയ്യുന്നവരും.
പാലില് ഏതാണ്ട് തൊണ്ണൂറു ശതമാനവും ജലമാണ്. കേരളത്തില് ശുദ്ധജല ദൌര്ലഭ്യം ഉണ്ടെങ്കിലും വെള്ളത്തിന് കുറവില്ല. അങ്ങനെ ഉള്ളപ്പോള്, അന്യ സംസ്ഥാനങ്ങളില് നിന്നും പാലിലെ മറ്റു ഘടകങ്ങളുടെ പത്തിരട്ടി വെള്ളം അവിടുന്ന് ഇങ്ങോട്ട് കൊണ്ടുവരുന്നത് അധിക ചെലവാണ്. അതേസമയം, പാലിനെ അതിലെ ജലാംശം ഒഴിവാക്കി പാല്പ്പൊടിയാക്കി ഇങ്ങോട്ട് കൊണ്ടുവന്നാല്, ഒരു ലോഡ് പാല് കൊണ്ടുവരുന്നതിനേക്കാള് കുറഞ്ഞ ചെലവില് അതിന്റെ പത്തിരട്ടി പാലുണ്ടാക്കാനുള്ള പൊടി കൊണ്ടുവരാന് പറ്റും. ഉപഭോക്താക്കള്ക്ക് അധിക ചെലവില്ലാതെ പാല് ലഭിക്കുകയും ചെയ്യും. ഇങ്ങനെ അല്ലാതെ കുറഞ്ഞചെലവില് ശുദ്ധമായ പാല് കിട്ടണമെങ്കില് കുറഞ്ഞ പക്ഷം രണ്ടു വീടിനു ഒരു പശു എന്ന തോതില് നമ്മള് പശുപരിപാലനം ചെയ്യണം. അതിനു നമ്മളും, നമ്മുടെ സര്ക്കാരും, നീതിന്യായ വ്യവസ്ഥയും ഒന്നും തയ്യാറല്ലാ എങ്കില് പിന്നെ, രണ്ടു കാര്യമേ ചെയ്യാനുള്ളൂ.
ഒന്ന്: ശുദ്ധമായ പാല് വേണം എന്നാ നിര്ബന്ധം ഒഴിവാക്കി പാല്പ്പൊടി പാലും ഉപയോഗിക്കുക്ക അല്ലെങ്കില്, പാലിനെ പൂര്ണ്ണമായും ഒഴിവാക്കുക.
രണ്ടു: പാല്, പാലായി തന്നെ മറ്റു സ്ഥലങ്ങളില് നിന്നും കൊണ്ട് വന്നു വിതരണം ചെയ്യുക. അതിനു വേണ്ട അധിക ചെലവ് ജനങ്ങള് തന്നെ സഹിക്കുക.
കര്ഷകര്ക്ക് വേണ്ടിയാണ് പാല് വില വര്ദ്ധിപ്പിക്കുന്നത് എന്നത് ശരിയാണ്. ഇവിടെ കര്ഷകര് ഇല്ലാത്തത് കൊണ്ട് അവര്ക്ക് കിട്ടുന്നില്ല എന്ന് മാത്രം.
ജനങ്ങളുടെ കയ്യടി കിട്ടാന് വേണ്ടി ഒരിക്കലും വസ്തുതകളെ കുഴലിലൂടെ മാത്രം നോക്കി കാണരുത്. ഇപ്പറഞ്ഞത് എല്ലാപേര്ക്കും എന്നത് പോലെ എനിക്കും ബാധകമാണ്.
1 അഭിപ്രായം:
മാഷെ, കേരളം ഉല്പ്പാദനത്തില് വളരെ പുറകില് തന്നെയാണ്. ഒരു product മാത്രമാണ് quality control ഉം quantity control ഉം ഇല്ലാതെ ഉല്പ്പാദിപ്പിക്കുന്നത്. മനുഷ്യനെ. വിലയും കുറവാണ്.
നല്ല വര്ഗത്തിലെ ഒരു നായ്ക്കുട്ടിയെ വേണമെങ്കില് അയ്യായിരവും പതിനായിരവും ഇരുപതിനായിരവും കൊടുക്കേണ്ടിവരും. എന്നാല് തിരുവനന്തപുരം SAT ആശുപത്രിയില് അനധികൃതമായി ഇരുനൂറിനും അഞ്ഞൂറിനും ഒക്കെ കുട്ടികളെ വിറ്റതും വാങ്ങിയതുമായ കഥകള് നാം കേട്ടിരിക്കുന്നു.
ഒരു അഭിപ്രായം പോസ്റ്റ് ചെയ്യൂ